Salyan rayonunda yol qəzası baş verib, xəsarət alanlar var.
Aznews.az xəbər verir ki, hadisə axşam saatlarında Salyan şəhərindəki peşə liseyinin yaxınlığında baş verib.
İlkin məlumata əsasən, idarəetmədən çıxan minik avtomobili fərdi yaşayış evinə çırpılıb. Qəza nəticəsində dörd nəfərin yaralandığı bildirilir.
Xəsarət alanlar Salyan Rayon Mərkəzi Xəstəxanasına yerləşdirilib.
Faktla bağlı araşdırma aparılır.