QHT sədri: Bu gün milli dəyərləri, ailə dəyərlərini təhdid edən amillər var

30 Sentyabr 2024 11:22 (UTC+04:00)

Bu gün milli dəyərləri, ailə dəyərlərini təhdid edən amillər var.

Bunu Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov sentyabrın 30-da Bakıda "Vətəndaş cəmiyyəti milli-mənəvi dəyərlərə yönəlmiş ideoloji hücumlara qarşı" mübarizə mövzusunda keçirilən dəyirmi masa çərçivəsində jurnalistlərə açıqlamasında deyib.

Onun sözlərinə görə, belə meyillərin bir çoxu qlobal trendlərlə bağlıdır: "Biz milli dəyərlərimizin aşınmasına yol verməməli, belə meyillərə qarşı mübarizə aparmalıyıq".

S.Məmmədov bildirib ki, milli-mənəvi dəyərlərin qorunması dövlətin əsas prioritetlərindəndir.