Avropa İttifaqı İranın üç aviaşirkətinə, o cümlədən ölkənin milli aviadaşıyıcısı Iran Air, dörd sənaye və nəqliyyat şirkətinə, həmçinin yeddi mülki məmura, sahibkarlara və hərbi məmurlara qarşı sanksiyalar tətbiq edib.
Bu barədə Aİ Şurasının rəsmi AB jurnalında dərc olunan hüquqi aktında qeyd edilib.
“Şura bu gün 7 fiziki şəxs və 7 quruma qarşı məhdudlaşdırıcı tədbirlər qəbul edib”, - məlumatda deyilir.
"Sanksiyalar “Rusiyaya raket və pilotsuz təyyarələrin ötürülməsi”, həmçinin “Yaxın Şərq və Qırmızı dəniz regionunda sülh və təhlükəsizliyə xələl gətirən silahlı qruplara və qurumlara yardım”-a görə tətbiq edilib ”, – Aİ Şurası bildirib.
Sanksiyalar dərhal qüvvəyə minir. Hədəflənənlər aktivləri dondurulacaq və AB-yə səyahət qadağasına məruz qalacaqlar. Bundan əlavə, sadalanan fiziki və ya hüquqi şəxslərə, qurumlara və ya qruplara birbaşa və ya dolayı yolla vəsaitlərin və ya iqtisadi resursların verilməsi qadağandır.
Sanksiyaya məruz qalan İran aviaşirkətləri uzun müddətdir ki, Avropa Komissiyasının aviasiya təhlükəsizliyi üzrə qara siyahısında olduqları üçün Aİ-yə uçuşlar həyata keçirmirlər.
Mövsüm
AzNews.az