283 mindən çox insan Livandan Suriyaya qaçıb və insanlar çox güman ki, döyüşlər bitənə qədər tərk etməyə davam edəcəklər.
Bu barədə Birləşmiş Millətlər Təşkilatının Qaçqınlar üzrə Ali Komissarlığının (UNHCR) Yaxın Şərq üzrə direktoru Rema Camus İmsays məlumat verib.
“Biz Livandan Suriyaya qaçqın axınının atəşkəs əldə olunana qədər davam edəcəyini gözləməliyik. Artıq 283 mindən çox insan Suriyaya qaçıb, onların təqribən 30%-i livanlılar, 70%-i isə suriyalılardır”, - İmsays qeyd edib.
O, əlavə edib ki, Suriya hökuməti Livanla sərhədi açıq qoyub və hər kəsə sərhədi keçməyə icazə verib və buna görə BMT Ərəb Respublikasına minnətdardır. Bundan başqa, Suriya beynəlxalq təşkilata açıq şəkildə bəyan edib ki, o, sərhədi bağlamaq və ona nəzarət qaydalarını gücləndirmək niyyətində deyil.
Mövsüm
AzNews.az