İsrailin Qəzza və Livana hücumları bölgədə gərginliyi artırır.
İranın oktyabrın 1-də İsrailə ballistik raketlərlə hücumundan sonra bölgədə gərginlik artmaqda davam edir.
Bütün gözlər İsrailin İrana necə cavab verəcəyinə yönəldiyi bir vaxtda İran İnqilab Keşikçiləri Qvardiyasının komandanı Hüseyn Səlami İsraili cavab hücumuna qarşı xəbərdar edib.
İran xalqına xitabən Səlami, "İsrailə deyirik ki, əgər səhv edib bölgədəki və ya İrandakı hədəflərimizə hücum etsəniz, sizi yenidən ağrılı şəkildə vuracağıq",-deyə qeyd edib.
İranın İsrailin müdafiə sistemlərinə nüfuz edə biləcəyini də əlavə edən Səlami, ABŞ-ın İsrailə yerləşdirdiyi təkmil hava hücumundan müdafiə sisteminin İranın cavab tədbirinin qarşısını ala bilməyəcəyini bildirib.
Səlami İsrailə işarə edərək, “Biz sizin zəifliyinizi bilirik, siz də bunu bilirsiniz” deyib.
Mövsüm
AzNews.az