İsrailin Qəzza zolağına hücumları 405 gündür ki, davam edir. Fələstin Səhiyyə Nazirliyindən verilən açıqlamada İsrail qüvvələrinin son 24 saatda həyata keçirdiyi 3 hücumda 24 fələstinlinin həyatını itirdiyi, 112 fələstinlinin isə yaralandığı bildirilib.
Qəzza zolağında 7 oktyabr 2023-cü ildə başlayan hücumlarda ümumi can itkisinin 43 min 736-ya, yaralı sayının isə 103 min 370-ə yüksəldiyi bildirilib.
Humanitar yardım təşkilatlarından verilən açıqlamalara görə, İsrail qüvvələrinin 10 oktyabr-13 noyabr tarixləri arasında həyata keçirdiyi hücumlarda 20 yardım işçisi həyatını itirib.
Açıqlamada işçilərin evlərində, düşərgələrində və yardım çatdırmaq istəyərkən öldürüldüyü, İsrail səlahiyyətlilərinin məlumatlandırılmasına baxmayaraq, yardım işçilərinin işarələnmiş avtomobillərinin hədəfə alındığı bildirilib.
Son məlumatların açıqlanması ilə 2023-cü ilin oktyabrından bu yana İsrailin hücumlarında həlak olan yardım işçilərinin sayı 300-ü keçib.
Mövsüm
AzNews.az