ABŞ-nin ən rəqabətli seçki yarışında qalib gələn Donald Trampı kampaniyası boyunca dəstəkləyən milyarder İlon Maska məxsus tətbiqetmədə aktivlik davam edir.
Trampın qələbəsindən sonra ən böyük qazanc əldə edən Maskın X platforması istifadəçilərini itirir.
ABŞ-də seçki prosesi zamanı məzmunla bağlı narahatlıqlara istinad edərək, əksər şirkətlər sosial media platforması X-də paylaşımları dayandırıblar.
Bu səbəbdən hesablarını bağlamış bəzi X istifadəçiləri fikirlərini dərc etmək və başqaları ilə onlayn ünsiyyət qurmaq üçün alternativ platforma axtarırlar.
Bu alternativ platforma isə "Bluesky" oldu.
Sosial media saytı "Bluesky" ABŞ seçkilərindən sonrakı həftədə 1 milyon yeni istifadəçi qazanıb.
GİRİŞ YALNIZ XÜSUSİ DƏVƏT İLƏ OLUB
Keçmiş Twitter CEO-su Cek Dorsi tərəfindən qurulan və dəstəklənən "Bluesky", bu ilin fevral ayında ictimaiyyətə açıqlanana qədər yalnız dəvətli platforma idi.
Bu dəvət müddəti sayta moderasiya vasitələrini və digər funksiyaları inkişaf etdirmək üçün vaxt verdi.
"Bluesky", seçilmiş prezident Donald Trump ilə səsvermənin nəticələrindən sonra Maskın X ilə rəqabət münasibətlərinə istinad edən bir yazı dərc etdi.
" Mən zəmanət verə bilərəm ki, Bluesky komandasının heç bir üzvü bu axşam prezidentliyə namizədlə oturub onlara onlayn gördüklərinizi idarə etmək üçün birbaşa çıxış imkanı verməyəcək".