ABŞ-nin yeni seçilmiş prezidenti Donald Tramp özünün “Truth Social” sosial media platformasında verdiyi açıqlamada sərhəd təhlükəsizliyini təmin etmək və ölkəyə narkotik, xüsusilə də fentanil ixracının qarşısını almaq üçün Meksika, Kanada və Çinə tətbiq edəcəyi tarifləri paylaşıb.
Minlərlə insanın Meksika və Kanadadan keçərək ölkəyə indiyədək heç vaxt görülməmiş səviyyədə cinayət və narkotik gətirdiyinə diqqət çəkən Tramp, hazırda açıq olan ABŞ sərhədini keçmək üçün Meksikadan gələn minlərlə insanın karvanının axtarışının qarşısıalınmaz göründüyünü söyləyib.
Tramp, "20 Yanvarda ilk icra sərəncamlarımdan biri olaraq, Meksika və Kanadadan ABŞ-ə gələn bütün məhsullara və onların absurdcasına açıq sərhədlərinə 25 faiz rüsum tətbiq etmək üçün bütün lazımi sənədləri imzalayacağam. Bu tarifə narkotik başda olmaq üzrə fentanil və bütün qeyri-qanuni miqrantların ölkəmizə təcavüzünü dayandırana qədər qüvvədə qalacaq",- deyə qeyd edib.
Meksika və Kanadanın uzun müddətdir davam edən problemi asanlıqla həll etmək üçün mütləq hüquq və gücə malik olduğunu ifadə edən Tramp, "Biz onlardan bu gücdən istifadə etmələrini tələb edirik və bunu edənə qədər onların böyük bir bədəl ödəmələrinin vaxtı gəldi",- deyə əlavə edib.
ÇİN MƏNŞƏLİ MƏHSULLARA ƏLAVƏ 10 FAİZ TARİFİ
Tramp ABŞ-ə göndərilən külli miqdarda narkotik, xüsusilə fentanillə bağlı Çinlə çoxlu söhbətlər etdiyinə diqqət çəkib və deyib:
Çinli nümayəndələr mənə dedilər ki, bunu edən narkotik alverçilərinə ən yüksək cəzanı, edam cəzasını tətbiq edəcəklər, lakin təəssüf ki, bunu heç vaxt etməyiblər və narkotiklər ölkəmizə əvvəllər heç vaxt görünməmiş səviyyədə axır, əsasən də Meksika vasitəsilə. Biz bunu dayandırana qədər ABŞ-ə gələn bütün Çin məhsullarına əlavə rüsumların üzərinə 10 faiz əlavə rüsum tətbiq edəcəyik.
Mövsüm
Aznews.az