"Gəncə" Azərbaycan Basketbol Liqasında növbəti qələbəsini qazanıb.
Aznews.az xəbər verir ki, Halil Atlının baş məşqçisi olduğu kollektiv V turda "Şəki"ni qəbul edib.
Qarşılaşma meydan sahiblərinin 78:75 hesablı qələbəsi ilə yekunlaşıb.
Gəncə təmsilçisi A qrupunda 8 xalla liderdir. 6 xalı olan "Şəki" 3-4-cü yerləri bölüşdürür.
Günün ilk oyununda "Sərhədçi" "Neftçi"ni məğlub etmişdi - 84:77.
Qeyd edək ki, əvvəlki matçlarda "Naxçıvan" "Abşeron"u (72:68), "Ordu" "Lənkəran"ı (92:55), "Sabah" NTD-ni (110:86), "Quba" isə "Sumqayıt"ı (97:83) məğlub edib.