Ukrayna dondurulmuş Rusiya aktivlərindən ilk vəsaiti alıb.
Bu barədə Ukraynanın baş naziri Denis Şmıqal bildirib.
"Ukrayna ABŞ-dən Rusiyanın dondurulmuş aktivlərindən əldə edilən gəlirlər hesabına 1 milyard dollar alıb. Bu, ABŞ-nin G7 təşəbbüsü çərçivəsində Rusiya aktivlərindən ayırmağa hazır olduğu planlaşdırılan 20 milyard dolların ilk tranşıdır", - o, Teleqramda bildirib.
Baş nazir Kiyevin növbəti tranşları nə vaxt əldə edəcəyini açıqlamayıb.
Dekabrın 20-də bildirilib ki, Ukrayna Moskvanın dondurulmuş aktivlərindən vəsait almağa imkan verən müqavilələr imzalayıb. Şmıqal o zaman bildirib ki, dondurulmuş aktivlərin istifadəsi mexanizminə ABŞ-nin gələcək töhfəsi qarşılığında Dünya Bankı tərəfindən 1 milyard dollar geri qaytarılmayan qrant kimi ayrılacaq.
Mövsüm
Aznews.az