Rusiya prezidenti Vladimir Putinlə Ermənistanın baş naziri Nikol Paşinyan arasında telefon danışığı olub, onlar ikitərəfli məsələləri və Avrasiya İqtisadi İttifaqının (Aİİ) gündəliyini müzakirə ediblər.
Bu barədə Ermənistan hökuməti məlumat yayıb.
“Həmsöhbətçilər Ermənistan Respublikasının Avrasiya İqtisadi İttifaqında sədrliyinin yekunlarını, Avrasiya İqtisadi İttifaqı çərçivəsində qarşıda duran vəzifələri, eləcə də Ermənistan-Rusiya ikitərəfli gündəliyinin bir sıra məsələlərini müzakirə ediblər”, - deyə məlumatda bildirilir.
Kremldən verilən məlumata görə, söhbət zamanı Putin və Paşinyan inteqrasiya əməkdaşlığının dərinləşdirilməsi mövzusuna, xüsusilə enerji sahəsində toxunublar. Aİİ çərçivəsində birgə işin praktiki üstünlükləri, o cümlədən Ermənistan iqtisadiyyatı üçün faydalar da qeyd edilib.
Mövsüm
Aznews.az