21.40: ABŞ prezidenti Donald Tramp andiçmə çıxışını bitirib. O, dünyada savaşları bitirməyə və planetə sülh gətirməyə söz verib.
***
21.32: ABŞ prezidenti Donald Tramp: Biz Panama kanalını Çinə verməmişik. Ona görə də geri alacağıq. ABŞ uğurun, zəfərin və inkişafın ünvanı olacaq. Bizim hökmümüz Marsa qədər uzanacaq!
***
21.23: ABŞ prezidenti Donald Tramp: Elə bu gün möhtəşəm qərarlar imzalayacam. Cənub sərhədlərimizdə fövqəladə vəziyyət edəcəm. Amerika məntiq inqilabına şahid olacaq. Cənub sərhədlərimzə qoşun göndərəcəm. "Tut, burax" siyasəti bitdi. Meksikalılar Meksikada qalmalıdır. Bəzi cinayətkar qruplaşmalar terror təşkilatı elan olunacaq. Xaricdən gələn təhdidlər aradan qalxacaq. Buna qərarlıyam.
***
21.17: ABŞ prezidenti Donald Tramp: "Bu gün Amerikanın azadlıq günüdür. ABŞ öz gücünü göstərəcək. ABŞ-ın aşağı yuvarlanma dövrü bitdi"
***
21.10: ABŞ prezidenti Donald Tramp and içdikdən sonra etdiyi çıxışda “Amerikanın qızıl dövrü indi başlayır” dedi.
***
21:02 Donald Tramp and içdi. Bu andan ABŞ prezidenti odur!
***
21.00: ABŞ-ın vitse-prezidenti seçilən JD Vance vəzifəsinin icrasına başlamaq üçün and içdi.
***
20.54: Andiçmə mərasimindən əvvəl çıxış edən Andiçmə Mərasimi Komitəsinin sədri, demokrat senator Amy Klobuchar “dinc təhvil”in vacibliyini vurğuladı. "60-cı prezidentin andiçmə mərasiminə xoş gəlmisiniz. Bu gün seçilmiş prezident və vitse-prezident and içəcək. Biz demokratiyamızın əsasını təşkil edən hakimiyyətin dinc yolla təhvil verilməsinin şahidi olacağıq", - Klobuçar bildirib.
***
20:43: ABŞ-ın yeni seçilmiş prezidenti Donald Tramp and içmək üçün kürsüyə çıxıb.
***
20:33: ABŞ-ın sabiq prezidenti Co Bayden və son seçkilərdə Trampın rəqibi olmuş Kamala Harris inaqruasiyanın keçiriləcəyi salona daxil olub.
***
20:13: Yeni seçilmiş prezident Donald Trampın ailə üzvləri andiçmə mərasimi üçün Konqres binasına daxil olub. Mərasimdə Trampın övladları İvanka Tramp, kiçik Donald Tramp, Tiffani Tramp, Erik Tramp və Baron Tramp da iştirak edir.
***
ABŞ-ın yeni seçilmiş prezidenti Donald Tramp və prezident Co Bayden Ağ Evdən birlikdə limuzinə mindikdən sonra andiçmə mərasimində iştirak etmək üçün hazırda ABŞ-ın Konqres binasına gəliblər. Az sonra yeni seçilmiş vitse-prezident JD Vance və Tramp mərasimdə and içəcəklər. Tramp da açılış nitqi ilə çıxış edəcək.
AzNews.az xəbər verir ki, tədbirdə ABŞ-ın keçmiş prezidentləri Corc Buş və xanımı, Bill Klinton və xanımı, Barak Obama ilə yanaşı Mark Zükkerberq kimi məşhurlar da iştirak edir. Barak Obamanın xanımı Mişel Obamanın tədbirə qatılmaması müzakirələrə səbəb olub.
AzNews.az