Ankaranın Çankaya səmtində gecə saatlarında 5 mərtəbəli binada yanğın baş verib.
AzNews.az Türkiyə mediasına istinadən xəbər verir ki, yanğın baş verən mənzildə olan 3 nəfər xəsarət alıb, tüstüdən zərər çəkən 6 nəfər isə zəhərlənib.
Yanğın gecə yarısı səmtin Tunalı Hilmi küçəsində yerləşən 5 mərtəbəli 105 saylı binanın 4-cü mərtəbəsində baş verib. Alovu görənlər yanğın barədə səlahiyyətli orqanlara xəbər veriblər. Ünvana gələn yanğınsöndürənlər yanğını böyümədən nəzarət altına alaraq söndürüblər.
İlkin məlumata görə, yanğına elektrik cərəyanı səbəb olub.
Bununla belə, yanğın nəticəsində binada partlayışın baş verdiyi də iddia edilib.
Yanğınla bağlı polis qrupları təhlükəsizlik məqsədi ilə küçəni bağlayıb.
AzNews.az