Avstraliyanın Kvinslend ştatında okean çimərliyində çimərkən köpək balığının hücumuna məruz qalan 17 yaşlı qız ölüb.
Avstraliya Yayım Korporasiyası ABC-nin məlumatına görə, Brisbane şəhərinin şimalında yerləşən Bribi adasındakı okean sahilində üzən gənc qız köpək balığının hücumuna məruz qalıb.
Səlahiyyətlilər, adanın cənub-şərqindəki Voorim çimərliyində üzən gənc qızın bədəninin yuxarı hissəsindən xəsarət aldığı hücumda öldüyünü təsdiqləyib.
Hücum xəbərindən sonra bölgəyə təcili tibbi yardım qruplarının getdiyini ifadə edən səlahiyyətlilər, Voorim çimərliyinin növbəti xəbərdarlığa qədər bağlandığını açıqlayıb.
Hadisə şahidlərindən biri olan Kristofer Potter yayımçıya ərazidə çoxlu köpək balığının olduğunu, lakin hadisənin sahilə bu qədər yaxın olmasının "şok edici" olduğunu deyib.
Xəbərdə hücuma məruz qalan gənc qızla bağlı başqa təfərrüatlar paylaşılmayıb.
Məlumdur ki, bu hücum Avstraliyanın Kvinslend əyalətində son 3 ayda 3-cü köpəkbalığı hücumudur.
"Woorim Beach" üzgüçülük, sörfinq və balıq ovu üçün məşhur ərazi kimi ifadə edilir.
Mövsüm
Aznews.az