Cənubi Koreyanın paytaxtı Seulda yanğın panikası yaşanıb.
Nəhəng metropolun ən dəbdəbəli ərazilərindən biri olan Qanqnam rayonunda yerləşən COEX Konqres və Sərgi Mərkəzində səhər saat 11:00 radələrində yanğın baş verib.
Xəbərdarlıqdan sonra əraziyə 33 yanğınsöndürən maşını və 121 canlı qüvvə göndərilib, bina qısa müddətdə boşaldılıb.
Təxminən yarım saatlıq gərgin səydən sonra nəzarət altına alınan yanğının binanın 2-ci mərtəbəsindəki restoranda başladığı müəyyən edilib. Yanğın zamanı ölən və yaralananların olmadığı bildirilib.
Yanğının səbəblərinin müəyyən edilməsi üçün ətraflı araşdırmalara başlanılıb.
Mövsüm
Aznews.az