İsrail qırıcı təyyarələri Suriyanı bombaladı - Müharibə

31 Oktyabr 2013 23:32 (UTC+04:00)

İsrail qırıcı təyyarələri Suriyanın hərbi bölgəsini bombalayıb. AzNews.az CNN-ə istinadən xəbər verir ki, təyyarələr Latikiyada şəhərindəki silah anbarına zərbələr endirib.

Kanal Amerikan qaynaqlarına istinadən xəbər verir ki, bu gözlənilməz hücum Hizbullaha silah nəqlinin qarşısını almaq üçün edilib.

Qeyd edək ki, belə bir hücumun olması xəbərini dünən (30 oktyabr) səhər saatlarında AzNews.az Türkiyə mətbuatına istinadən yaymışdı. Qeyd edilirdi ki, İsrail bu hücumla Rusiya istehsalı olan raketləri sıradan çıxarmaq istəyir.
Ancaq sonradan hücumun İsrail tərəfindən edilməsinin həqiqətə uyğun olmadığı bildirilmişdi. CNN-in yaydığı bu məlumat isə İsrailin belə bir addım atmasını təsdiqləyir.

Əli
AzNews.az