Ermənistan qarışdı: polislə vətəndaşlar arasında qarşıdurma
5 Noyabr 2013 20:42 (UTC+04:00)
AzNews.az RIA NOVOSTI-yə istinadən xəbər verir ki, bu gün Yerevanın mərkəzindəki Maştoça prospektində "Çeqakron" erməni hərəkatının lideri Şanta Arutunyanın 20 nəfər tərəfdarı hüquq-mühafizə orqanlarının əməkdaşları tərəfindən tutularaq polis şöbəsinə aparılıblar. Onlar icazəsiz mitinq təşkil etmək istərkən yaxalanıblar. Qarşıdurma zamanı polis əməkdaşları ciddi xəsarətlər alıblar.
Dubinkalarla silahlanmış Arutunyan tərəfdarlarına polis müqavimət göstərmək istədikdə, onlar içərisinə xüsusi daş parçalar doldurulmuş əldəqayırma partlayıcı paketləri ciblərindən çıxararaq yerə çırpıb partlatmağa cəhd ediblər.
Ermənistan DİN mətbuat xidməti məlumat yayıb ki, Arutunyan Azadlıq meydanında keçirdiyi bütün mitinqlərdə tərəfdarlarını həmişə qarşıdurmaya səsləyib.
AzNews.az