Azərbaycan beynəlxalq kinofestivalda iştirak edəcək
8 Noyabr 2013 19:24 (UTC+04:00)
Noyabrın 15-dən 21-dək Türkiyənin Malatya şəhərində beynəlxalq kinofestival keçiriləcək.
APA-nın məlumatına görə, festival Türkiyə Mədəniyyət və Turizm Nazirliyi, Malatya valiliyi və bələdiyyəsi, "Fırat" inkişaf agentliyi və İnönü Universitetinin dəstəyi ilə "Malatya əriyi" tədqiqat vəqfi tərəfindən təşkil edilib.
Festivalda Azərbaycan beş filmlə - "40-cı qapı", "Çölçü", "Sübhün səfiri", "Buqələmun" və "Bizim küçənin oğlanları" filmləri ilə təmsil olunacaq.
Festival çərçivəsində 137 film nümayiş olunacaq. Müxtəlif nominasiyalar üzrə yer tutan müəlliflərə "Büllur ərik" mükafatı təqdim olunacaq.
AzNews.az