Şəmkirdə yaşayış evində partlayış
4 Fevral 2014 09:34 (UTC+04:00)
Dünən axşam saatlarında Şəmkir rayonunun Çinarlı qəsəbəsində Tamella Məsimovaya məxsus yaşayış evində qaz sızması partlayışa səbəb olub.
AzNews.az Kəpəz TV-yə istinadən xəbər verir ki, hadisə evin həyətindəki vanna otağında qeydə alınıb.
Qazı yandırmaq istəyən mənzil sahibi bədbəxt hadisə ilə üzləşib. Nəticədə ev sahibi xəsarət alaraq Şəmkir Mərkəzi Rayon Xəstəxanasına çatdırılıb. Həkimlər onun səhhətinin ağır olduğunu bildirirlər.
Hadisə ilə bağlı araşdırma aparılır.
AzNews.az