“Əllərinizdən qan axır, görmürsünüz?” – Prezidentə şok sual
31 May 2014 10:46 (UTC+04:00)
Türkiyə prezidenti Abdulla Gül oğlu Mehmet Emrenin də bu il məzun olduğu Harvard universitetində qatıldığı toplantıda gözlənilməz sualla qarşılaşıb.
"Qafqazinfo" xəbər verir ki, prezident Harvard Tibb Mərkəzinin həkimi Emre Altındişin sərt sulları qarşısında çıxılmaz vəziyyət qalıb. Altındişin "Türkiyədə insanlar ölərkən gecələr necə yatırsınız" sualı salonda şok effekti yaradıb. Gül soyuqqanlılığını qorumağa çalışaraq sualı axıra qədər dinləyib. Prezident suala cavab olaraq isə bildirib ki, söylədiyin sözlər həqiqət deyil: "Bir başqası olsaydı sənə bu sualı verməyə imkan verməzdi. Bu hadisələr başqa ölkələrdə də olur. Gezi parkında xoş niyyətlə başlayan nümayiş ilk başdan doğru şəkildə idarə edilmədiyi üçün qanundankənar şəbəkələr də onlara qoşuldu. Bunlar təbii ki çox üzücüdür".
Altındiş isə əlavə edib ki, Türkiyədə bu sualı versəydi onu həbs edərdilər: "Siz belə bir dövlətin başında olmaqdan utanmırsınız? Əllərinizdən qan axır, görmürsünüz? Necə utanmadan bizə demokratiya yalanları söyləyirsiniz? Gecələr necə yatırsınız? Sizin baş naziriniz 14 yaşındakı uşağa terrorist deyir".
Abdulla Gül isə Altındişə ona belə bir sual vermək haqqına sahib olmadığını bildirib.
AzNews.az