Yük maşını minik avtomobili ilə toqquşdu-Ölən var
8 Sentyabr 2014 10:55 (UTC+04:00)
AzNews.az -ın Fövqəladə Hallar Nazirliyinin saytına istinadən verdiyi məlumata görə, Ağcabədi şəhərində vətəndaşlara məxsus "KamAZ" markalı yük avtomobili ilə "VAZ" markalı minik avtomobili toqquşub.
Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, "VAZ" markalı minik avtomobilinin sürücüsü vəfat edib və deformasiyaya uğramış avtomobildə sıxılmış vəziyyətdə qalıb.
Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sıxılmış vəziyyətdə qalmış meyiti avtomobildən çıxarıblar.
AzNews.az