Ermənilər Moskva-Bakı sərnişin qatarını partladıb – 21 il öncə
13 Aprel 2015 09:00 (UTC+04:00)
Tarixdə bu gün aprelin 13-də Azərbaycan prezidenti İlham Əliyev Türkiyəyə ilk rəsmi səfərə gedib. Səfər gedişində Azərbaycanla Türkiyə arasında uzunmüddətli iqtisadi əməkdaşlıq sazişi" və digər sənədlər imzalanıb. Azərbaycan prezidentinə Bilkənd Universitetinin (Ankara) "Fəxri doktoru" adı təqdim edilib.
1883 - Bəstəkar və dirijor, keçmiş SSRİ-nin (və indiki Rusiya Federasiyasının) dövlət himninin müəllifi Aleksandr Aleksandrov (1883-1946) anadan olub.
1883 - Rus şairi Demyan Bednı (Yefim Alekseyeviç Pridvorov, 1883-1945) anadan olub.
1906 - İrland yazıçısı və dramaturqu, ədəbiyyat üzrə Nobel mükafatı (1969) laureatı Semuel Bekket (Samuel Beckett; 1906-1989) anadan olub. "Qodonun intizarında", "Oyunun sonu", "Xoşbəxt günlər" pyeslərinin, "Molloy", "Malon ölür", "Adsız" romanlarının müəllifidir. Absurd teatrının yaradıcılarındandır. Bir çox əsərlərinə (o cümlədən azərbaycanlı bəstəkar Fərəc Qarayev tərəfindən "Qodonun intizarında" əsərinə) musiqilər yazılıb.
1917 - Tanınmış kinooperator, Əməkdar incəsənət xadimi Arif Əmir oğlu Nərimanbəyov (1918 - 16.5.1992) anadan olub. . "Bəxtiyar", "Qızmar günəş altında", "Bir qalanın sirri", "Bizim Cəbiş müəllim", "İnsan məskən salır", "Həyat bizi sınayır", "Onun bəlalı sevgisi" və s. filmlərin quruluşçu operatorudur.
1918 – Trabzon konfransı nəticəsiz bitdikdən sonra Zaqafqaziya Seymi türk qoşunlarının yürüşünü dayandırmaq üçün Osmanlıya müharibə elan etmək barədə qərar qəbul edib. Seymin azərbaycanlı fraksiyası qərara qoşulmayıb. Qərar formal xarakter daşıyıb, çünki Seymin real ordu qüvvəsi yox idi. Buna cavab olaraq türk qoşunları Qars və Ərdəhanın ardınca Batumu tutub və Ermənistan (Gümrü) istiqamətində irəliləməyə başlayıb. Mayın əvvəlində Zaqafqaziya hökuməti Türkiyə ilə yeni danışıqlara (Batumda) razılıq verib.
1919 - Qars ingilislər tərəfindən işğal olunub.
1929 - Şair, Əməkdar incəsənət xadimi Tofiq Mütəllim oğlu Mütəllibov (1929 - 2.11.1992) anadan olub. Uşaqlar üçün çoxsaylı əsərlərin müəllifidir.
1937 - Əməkdar jurnalist, yazıçı-publisist Osman Mirzə Hüseyn oğlu Mirzəyev (1937-20.11.1991) аnаdаn оlub. "Adlarımız", "Bir dəfə yaşayırıq", "Damla və göl", "Qartal uçuşda" kitablarının müəllifidir.
1939 — İrland şairi, ədəbiyyat üzrə Nobel mükafatı (1995) laureatı Şeymas Hini (Seamus Justin Heaney) anadan olub.
1946 - Rejissor, Xalq artisti Ramiz Həsənoğlu (Mirzəyev) İrəvan şəhərində doğulub. "Ötən ilin son gecəsi", "Qatarda", "Topal Teymur", "Günahsız Abdulla", "Ordan-burdan", "Ac həriflər", "Nigarançılıq" və s. teletamaşalara, "Cavid ömrü", "Sübhün səfiri" filmlərinə quruluş verib.
1993 – ABŞ Dövlət Departamenti ilk gəfə olaraq Dağlıq Qarabağ münaqişəsi ilə bağlı Vaşinqtonun rəsmi mövqeyini açıqlayıb. Bəyanatda ABŞ-ın Ermənistan-Azərbaycan müharibəsinin dayandırılması və ATƏT-in Minsk konfransı çərçivəsində danışıqların başlanmasına nail olmaq əzmi vurğulanıb.
1994 – Erməni terrorçuları Azərbaycana qarşı daha bir qanlı aksiya həyata keçiriblər. Moskva-Bakı sərnişin qatarının Dağıstan ərazisində partladılması nəticəsində 6 nəfər həlak olub.
2004 – Azərbaycan prezidenti İlham Əliyev Türkiyəyə ilk rəsmi səfərə gedib. Səfər gedişində Azərbaycanla Türkiyə arasında uzunmüddətli iqtisadi əməkdaşlıq sazişi" və digər sənədlər imzalanıb. Azərbaycan prezidentinə Bilkənd Universitetinin (Ankara) "Fəxri doktoru" adı təqdim edilib.