Azərbaycanlılar və ruslar arasında - Kütləvi dava

25 May 2015 18:30 (UTC+04:00)

AzNews.az xəbər verir ki, APA-nın "Komsomolskaya Pravda"ya istinadən verdiyi məlumata görə, şəhər sakini, 57 yaşlı kişi axşam evə qayıdarkən idarə etdiyi "QAZel" markalı avtomobilini başqa maşının yolunu kəsməsi səbəbindən qaraja daxil edə bilməyib. İddiaya görə, avtomobilin içərisində yaxınlıqda yaşayan 2 azərbaycanlı olub və onlar yüksək səslə musiqi dinləyib. Yerli sakin onlardan avtomobili geri çəkmələrini istəyəndə aralarında dava düşüb. 2 nəfər azərbaycanlı "QAZel"-in sürücüsünü döyüb. Hadisə yerinə bir neçə yerli sakin gəlib, azərbaycanlılar da öz növbəsində öz tanışlarını çağırıblar. Dava zamanı hadisə yerində olan "KamAZ" markalı avtomobil yandırılıb və daha bir təqaüdçü döyülüb.

Hər iki şəxs travma ilə xəstəxanaya çatdırılıb. Hadisə yerinə polis əməkdaşları gəlib. Qəsəbənin 4 azərbaycanlı sakini polis bölməsinə aparılıb. Faktla bağlı xuliqanlıq maddəsi ilə cinayət işi başlanıb.