Zəlimxan Məmmədli İvanaşviliyə məktub ünvanladı
2 Noyabr 2012 14:00 (UTC+04:00)
"Borçalı" Cəmiyyətinin sədri Zəlimxan Məmmədli Gürcüstanın yeni baş naziri Bidzina İvanaşviliyə məktub göndərib. Cəmiyyət sədri Z.Məmmədli AzNews.az-a açıqlamasında deyib ki, sözügedən müraciət bu həftə edilib. Onun sözlərinə görə, müraciət Gürcüstanda yaşayan soydaşlarımızın qarşılaşdığı problemlərin həllinə kömək etməklə bağlıdır.
Gürcüstanda yeni seçilən hökumətin oradakı azərbaycanlıların problemlərinin həllinə kömək edəcəyinə ümid etdiyini vurğulayan Z.Məmmədli deyib: "Yeni baş nazir B.İvanaşvilinin Gürcüstanda yaşayan azərbaycanlıların problemlərinin həllinə yaxından kömək edəcəyinə inanıram. Ümid edirəm ki, yeni hökumət soydaşlarımıza əvvəlkindən daha çox kömək edə biləcək".
Vasif Həsənli
AzNews.az