Zurabişvili: Mən yeni ofisimdə prezident səlahiyyətlərini icra edəcəm

Gürcüstanın keçmiş prezidenti Salome Zurabişvili Tbilisidə keçirdiyi brifinqdə bildirib ki, o, yeni ofisində işləyəcək və orada “prezidentlik funksiyalarını” yerinə yetirməyə davam edəcək.

“Bu gün sizi Orbeliani sarayının (prezident sarayı - red.) davamı olan bu yeni ofisdə qəbul etmək istəyirəm. Ola bilsin ki, bu, Orbelianinin sarayına bənzəməsin, amma onun ruhu burada hökm sürür və prezidentin funksiyası burada davam edəcək”, - deyə o, qeyd edib.

O, əlavə edib ki, ölkə dərin böhran yaşayır və bundan çıxmaq üçün təkrar parlament seçkiləri keçirilməlidir. Zurabişvili bildirib ki, yanvarın 10-da Zuqdidiyə səfərdən başlayaraq ölkə əhalisi ilə görüşəcək.

Mövsüm

Aznews.az