Prezident COP29-da fəal iştirak etmiş qızlarını və nəvələrini təltif etdi

Prezident İlham Əliyevin nəvələri Mikayıl və Əli Ağalarovlar sosial şəbəkə hesablarında maraqlı paylaşım ediblər.

AzNews.az xəbər verir ki, onlar BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştiraklarına görə təltif olunduqlarını bildiriblər.

M.Ağalarov paylaşdığı fotoya “COP29-da könüllü olduğum üçün qürur duyuram”, Ə.Ağalarov isə “COP29-da iştirak gözəl təcrübə idi” şərhini yazıb.

Prezident “Təşəkkürnamə”ləri onlara şəxsən təqdim edib.

Azərbaycan prezident İlham Əliyev qızları- Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyevanı, Bakı Media Mərkəzinin rəhbəri Arzu Əliyevanı da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştiraklarına görə "Təşəkkürnamə" ilə təltif edib.

Leyla Əliyeva bu haqda şəxsi İnstaqram hesabında məlumat verib:

"Şadam ki, COP29-da, bir çoxları kimi, mənim də əməyimə yüksək qiymət verilib".

AzNews.az