Sabunçu qəzası ilə bağlı RƏSMİ MƏLUMAT

Bakı şəhər Baş Polis İdarəsi Sabunçu rayonunda baş verən dəhşətli yol qəzası ilə bağlı məlumat yayıb.

AZNEWS.AZ xəbər verir ki, bu haqda məlumat idarənin mətbuat xidmətindən Lent.az-a verilib.

Məlumata görə, aprelin 16-da saat 18 radələrində, Maştağa qəsəbəsi B.Bağırov küçəsində qəsəbə sakinləri - 2000-ci il təvəllüdlü Kamran Həmzə oğlu Bəyəliyev qohumu Cəfər Bəyəliyevə məxsus "Mercedes" markalı avtomobili qaçıraraq 2001-ci il təvəllüdlü Aftandil Vahidovu və Tələt Seyidovu vurub və idarəetməni itirərək maneəyə dəyib.

Nəticədə K.Bəyəliyev, sərnişini Kənan Hüseynov, A.Vahidov və T.Seyidov 3 saylı ŞKX-na daxil olublar. T.Seyidov ölüb, digərlərinin vəziyyətləri ağırdır. Fakt Sabunçu RPİ 14-cü PB tərəfindən araşdırılır.