Əslən azərbaycanlı olan Kasparov namizədliyini verdi

Beynəlxalq Şahmat Federasiyasının (FİDE) prezidenti postuna yeni namizəd irəli sürülüb. Lent.az-ın məlumatına görə, əslən bakılı 13-cü dünya çempionu FİDE-yə rəhbərlik iddiasını rəsmən açıqlayıb.

O, qurumun hazırkı rəhbəri Kirsan İllümjinovla rəqabət aparacaq. Seçki 2014-cü ilin avqustunda Norveçin Trömse şəhərində 41-ci Ümumdünya Şahmat Olimpiadası çərçivəsində baş tutacaq.

Qeyd edək ki, Kirsan İllümjinov FİDE-yə 1995-ci ildən başçılıq edir. Harri Kasparov isə 1985-ci ildə Anatoli Karpovu yenərək, dünya çempionu adını qazanıb.

AzNews.az