Əfqanıstanda bankda partlayış baş verib: ölənlər var

Əfqanıstanın şimalında bankda baş verən partlayış nəticəsində 5 nəfər ölüb.

Bu barədə Şəmşad portalı polisə istinadən X sosial şəbəkəsində (keçmiş Twitter) məlumat yayıb.

Qeyd olunur ki, insident yerli vaxtla saat 8:30-da baş verib. Portalın məlumatına görə, partlayış Kunduz əyalətində dövlət işçiləri maaşlarını almaq üçün Kabul Banka toplaşarkən baş verib. Partlayış nəticəsində 5 nəfər ölüb, 7 nəfər yaralanıb.

Polis bunun terror aktı olduğunu bildirib.

Mövsüm

Aznews.az