ABŞ Suriyadan çəkilir: 3 hərbi məntəqəni boşaldır

ABŞ əsgərləri Hasəkə şəhər mərkəzinin ətrafında yerləşən Hadra və Fırat kəndlərindəki üç kiçik hərbi məntəqəni və Deyr əz-Zor vilayətində Koniko və Ömər qaz yataqlarını boşaldıb və əsas bazalarına çəkiliblər.

Həsəkədə olan əsgərlər və onların texnikası eyni vilayətin Rmeylan rayonundakı bazaya, Deyr əz-Zordakı əsgərlər isə Koniko qaz yatağındakı bazaya geri çəkilib.

İlk dəfə "The New York Times" tərəfindən irəli sürülən iddia yüksək səviyyəli Amerika rəsmilərinə əsaslanıb.

Xəbərə görə, ABŞ-nin Suriyada təxminən 2000 əsgəri var . Prezident Donald Tramp administrasiyası bu rəqəmi 1400-ə endirmək qərarına gəlib.

Təxminən 600 amerikalı əsgərin bölgədən çəkilməyə başladığı bildirilir. Suriyanın şimal-şərqindəki 8 Amerika bazasından 3-nün bağlanacağı iddia edilib.

Mövsüm

Aznews.az